 |
| عجليستا - بوابة محبي العجل والدراجات |
إية هيا عجلستا ؟
هي مدونة لمحبي وهواة ركوب العجل والدراجات الهوائية في الوطن العربي بتغطي جوانب كتير منها انواع العجل وموصفاتها واشهر الماركات الموجودة في مصر بنعمل ريفيو للعجل وكمان بنلخص الفيديوهات فيما يخص العجل وكدا وهنقولك اماكن الشراء كمان والمدونة دي اصلا معمولة علشان تساعد صاحبها ان يقدر يرجع للمحتوي الخاص بالعجل فلو المدونة افادتك ادعيلي بظهر الغيب لعلها تكون مقبولة.
ملقيتش غير اسم "عجلستا" فالدنيا كلها 😠 !!؟
والله ياصديقي انا مش فاضي اني اختار اسم ومش هيفرق كتير يعني اهم حاجة اني اظبط المحتوي وارتب المدونة وعموما علشان تفتكر الاسم المرة الجاية فهو مكون من نصين:
عجلة + ليستا
بس هتختصر وهتشيل الـ "ي" وتكتب عجلستا علي طول 😉
ازاي ادعم المدونة ؟
انت حد جميل علي فكرة 😍😘 في النقاط التالية كل الطرق لدعم المدونة
- ادعيلي ايوة طلب غريب لكن ممكن يفيدني بعد مماتي فمتستغربش 😄
- ادعم المدونة بالتبرع ليها بمبلغ مادي بسيط (تقدر تتواصل معانا لو حابب تدعمنا علشان نستمر لأكبر فترة ممكنة)
- شارك المدونة مع حد ممكن يكون مهتم او حابب يشتري عجلة في المستقبل او معاه عجلة حاليا
- قولنا معلومة او بلغنا بيوتيوبر كويس في مجال العجل او صفحة فيس فيها معلومات بخصوص المجال ممكن نعمل دويتوا مع بعض ونساعدكم اكتر
عجبتني مدونتك ممكن نعمل اعلان فيها؟
اه ممكن جدا لازم تكون مليونير علشان تعلن هنا 😂😂 ، مع ذلك ابعتلي عبر صفحة التواصل معنا او عن طريق ارسال ايميل عبر البريد التالي projects@aliraafat.com او ريح نفسك خالص وابعتلي علي الواتس اب 201093767458